Etter innføring av forvaltningsreforma frå 1.1.2010 vil Hordaland fylkeskommune ha ansvar for i alt 17 ferjesamband.  For fleire av desse ferjesambanda er det i anbodsutlysinga for ferjedrifta ikkje lagt inn føresetnader om nye ferjer. Det vil derfor på fleire ferjesamband i Hordaland framleis bli nytta gamalt ferjemateriell, som m.a. ikkje stettar krav til universell utforming og miljøvenleg drift, heiter det i brevet.

Løyvingar må koma
Modernisering av ferjeflåten vil krevja midlar som går langt utover dei økonomiske rammene fylkeskommunen fekk til ferjedrift i samband med forvaltningsreforma, understrekar fylkesordførar Selsvold Nyborg.

Ta intitiativ
– Eg ber derfor samferdselsministeren ta initiativ til ei statleg ordning for fornying og modernisering av ferjeflåten i fylkeskommunale ferjesamband. Ei slik ordning vil og kunna virka stimulerande for norske verft i ei tid med sviktande ordrereservar i kjølvatnet av den økonomiske krisa, heiter det i brevet til statsråd Meltveit Kleppa. 

Ventar positivt svar
Og fylkesordføraren avsluttar slik: – Eg ser fram til ei positiv tilbakemelding på at samferdselsministeren vil føreta ei nærare vurdering av ei mogleg statleg ordning for å sikra nødvendig modernisering av den ferjeflåten på fylkeskommunale samband.

Maritimt Forum berømmer engasjementet
- Vi setter pris på engasjementet til Hordaland fylkeskommune. Maritimt Forum mener det bør jobbes med å få frem ordninger som gjør at de omlag 50 fergene i Norge som er mer enn 30-år gamle erstattes med nybygg basert på gassdrift. Det vil være bra for de reisende, det vil være bra for miljøet og det vil være et bidrag til å holde hjulene i gang og et viktig bidrag til å videreutvikle verfts- og utstyrindustrien som nå etter hvert vil slite med slukne ordrebøker, sier Jørn Th. Prangerød, daglig leder i Maritimt Forum.