ZINUS signerer med SEAM

Kontrakten gjeld for levering av eit komplett kabelhåndteringssystem til OMYA Hustadmarmor.

Endre Eidsvik leiar Zinus.

Omya Hustadmarmor AS er ei verksemd som foredlar marmor til nedmalt kalsiumkarbonat i produksjonsanlegget sitt i Elnesvågen i Hustadvika kommune i Møre og Romsdal. Verksemda er ein del av den globale Omya-gruppa.

ZINUS held til på Rubbestadneset medan SEAM held til på Husøy.

- Dette markerer nok eit prestisjeprosjekt for Zinus og styrkjer verksemda si rolle som ein sentral teknologileverandør i elektrifiseringa av den maritime næringa, heiter det i ei pressemelding.

Det lange samarbeidet mellom ZINUS og SEAM blir understreka i meldinga.

Verdas første heilelektriske bulkskip

- Prosjektet er også ei vesentleg milepåle for både ZINUS og SEAM ettersom ZINUS sine ladetårn kombinert med SEAM sitt omfattande e-SEAMatic® BLUE hybridsystem og 23,5 MW batterisystem, skal tene verdas første heilelektriske bulkskip. Fartøyet skal operere for OMYA Hustadmarmor, som er ein del av den globale OMYA-gruppa, ein leiande produsent av industrielle mineral og spesialkjemikaliar med verksemd i meir enn 50 land, heiter det vidare.

Dagleg leiar i ZINUS, Endre Eidsvik, held fram korleis samarbeid på Vestlandet resulterer i ny teknologi med global innverknad.

- Dette prosjektet kombinerer teknologi, berekraft og samarbeid på tvers av bransjar og regionar. Vi ser fram til leveransen og til å styrkje samarbeidet vårt vidare med SEAM og Omya, sier han.

Gunvald Mortvedt leiar SEAM.

(Tekst SMe)