Livepod med Martin Laurhammer
Kjetil Fyllingen står bak SunnhordlandPodden til framsnakk av Sunnhordland. På Bømlakonferansen intervjua han “live” ein av Bømlo sine fremste drivare.
Martin Laurhammer på scenen saman med Kjetil Fyllingen (t.v.).
- Du skal kome heim til Bømlo for å hjelpe folk å få til noko, sa ein gong faren til Martin Laurhammer til han. Ingeniøren var kanskje litt i tvil, men han kom heim, og det blei til noko, i godt samspel med sambygdingane.
I stikkordsform kan mellom anna dette nemnast frå tida han hadde i Bømlo kommune:
Vassverksutbygging
Trekantsambandet
Moster Amfi
Det største av desse var nok etableringa av Trekantsamabandet der Laurhammer hadde eit nært samarbeid med Øyvind Halleraker som dagleg leiar i Sunnhordland Bru- og Tunnelselskapet. Halleraker satt sjølv i salen og høyrde på.
I 2002 melde Martin Laurhammer overgang til Kristian Eidesvik og Caiano. Vegen var sikkert ikkje så lang, bømlingar båe to.
- Det var fantastisk kjekt å få arbeide med Kristian, sa Martin.
Saman har dei to bidrege mykje til å utvikla Haugesund sentrum. Framleis er “pensjonisten” Martin Laurhammer prosjektleiar for nybygget som snart står klar ved Smedasundet like nord for Hotell Maritim.
- Men eg gir meg snart med dette, smilte han.
Dei fleste forbind kanskje likevel Martin Laurhammer mest med Haugesund Lufthavn, Karmøy, og etableringa av den private verksemda Lufthavnutvikling.
- Eg har hatt flyplassen på skjevå i 20 år. Det har heile tida handla om å sikre den for framtida etter at Rogfast kjem.
“Å vere pensjonist er berre ein annen måte å jobbe på” sa Kristian Eidesvik til Martin Laurhammer då Martin blei 67 år for nokre år tilbake og skulle trappe ned. Livepodden på Bømlakonferansen kan synast som om Kristian Eidesvik var inne på noko.
“Eg har hatt flyplassen på skjevå i 20 år.”
(Tekst og foto SMe)